Kryetari i Prishtinës, Shpend Ahmeti, përmes një postimi në Facebook, ka treguar se Komuna e Prishtinës ka porositur 18 mijë teste antigjen, teste të cilat janë të shpejta dhe mund të përdoren për testim të shpejtë të grupeve të mëdha si në shkolla e organizata, përcjell InLajmi.
Ahmeti shtoi poashtu se këto teste do të arrijnë në fundin e javës tjetër nëse cdo gjë shkon në rrëgull. ““Në qoftë se gjithcka shkon në rregull, këto do të jenë gati kah fundi i javës tjetër”
Postimi i plotë i tij:
Sot në treg ekzistojnë tri lloj testesh për Covid
– PCR që e detekton ADN-në e virusit (IKSHP dhe privat) i cili është më i sakti por merr shumë kohë
– serologjik apo i gjakut që detekton antitrupat në gjak – (Komuna Pr dhe privat) – detektohet vetëm në ditën e shtatë të virusit
– testet antigjen – që detekton proteinat brenda ose afër virusit – është i shpejtë dhe merret strisho e pshtymes
Komuna e Prishtinës tashmë ka porositur edhe 18,000 teste antigjen të cilat janë të shpejta dhe mund të përdoren për testim të shpejtë të grupeve më të mëdha si në shkolla e organizata.
Në qoftë se gjithcka shkon në rregull, këto do të jenë gati kah fundi i javës tjetër. /InLajmi/
