Komuna e Fushë Kosovës ka njoftuar se ka filluar ndërtimi i shkollës në pjesën Fushë Kosovë – Uglar, përcjell InLajmi.
“Kjo Shkollë do të ketë kapacitet për 1200 nxënës, të cilët do të vijojnë mësimet nga pjesa e djathtë e qytetit në magjistralen Fushë-Kosovë-Prishtinë.
Kjo shkollë do të jetë pjesë e shkollës “Mihal Grameno” e cila do ta zgjidhë shumë mirë vijueshmërinë e rregullt të nxënëseve si dhe do ta shkarkojë numrin e tyre në shkollën “Mihal Grameno”, thuhet në njoftimin e komunës.
Sipas komunës, punimet e shkollës do të përfundojnë gjatë vitit të ardhshëm, ndëkaq projekti është financim i komunës.
Njoftimi i plotë i komunës:
“Fillon ndërtimi i shkollës së re në pjesën Fushë-Kosovë – Uglar.
Pas shumë analizave dhe përpjekjeve më në fund ka filluar ndërtimi i shkollës së re në pjesën Fushë-Kosovë – Uglar.
Kjo Shkollë do të ketë kapacitet për 1200 nxënës të cilët do të vijojnë mësimet nga pjesa e djathtë e qytetit në magjistralen Fushë-Kosovë-Prishtinë.
Kjo shkollë do të jetë pjesë e shkollës “Mihal Grameno” e cila do ta zgjidhë shumë mirë vijueshmërinë e rregullt të nxënëseve si dhe do ta shkarkojë numrin e tyre në shkollën “Mihal Grameno”.
Planifikohet që punimet të përfundojnë gjatë vitit të ardhshëm, ndërsa si projekt ndërtimi i kësaj Shkolle tërësisht financohet nga buxheti i komunës së Fushë-Kosovës.
Nga fakti se në mënyrë konstante është duke vazhduar rritja e numrit të nxënësve në qytet, komuna planifikon që edhe në vitin e ardhshëm të filloj me ndërtimin edhe të një shkolle tjetër meqërast përfundimisht do të zgjidhet njëherë e mirë ndërtimi i objekteve shkollore në qytetin e Fushë-Kosovës”./InLajmi/
