Deputetja e Aleancës për Ardhmërinë e Kosovës, Teuta Haxhiu, gjatë interpelancës në Kuvendin e Kosovës ka folur për personat e pagjetur, raporton InLajmi
“Tema e të pagjeturve e ka ndjeshmërinë e vet ka dhimbje është plagë e hapur për të gjithë qytetarët e vendit, por meqë është thirr kjo interpelancë ka ndodh edhe disa ndryshime brenda Komisionit për të pagjeturve, unë do ta lexoë fjalën time, por do ta shikoj rezolutën dhe nuk është që ka diçka më shumë se sa rezolutat e tjera.”, tha Haxhiu
Deputetja Haxhiu gjatë fjalimit të saj tha se jemi dëshmitarë që para 2 ditëve janë hapur varrezat masive në Serbi, ku janë nxjerrë 16 persona të pagjetur, të vrarë dhe të masakruar në luftë e fundit në Kosovë.
“Pas 20 vitesh u hap një prej varrezave që ndodhen në Serbi, ndërsa në Hagë po gjykohen ata që bënë të pamundurën token dhe njerëzit e vet për të mbrojtur edhe këta 16 shqiptar si shumë e shumë të tjerë, ata padrejtësisht po gjykohen vetëm pse ishin luftëtar të drejtë të luftës të UÇK-së.”, tha ndër të tjera ajo.
Më tej, Haxhiu shtoi se në Komisionin Parlamentar për persona të pagjeturave për herë të parë në këtë Kuvend ka ardhur të raportojë një̈ kryeministrër i Kosovës.
“Tema e të pagjeturave nuk duhet të na ndaj, tema e të pagjeturave duhet të na bashkojë sepse përballë kemi një armik, politik të ndyrë të Serbisë̈, që gjithmonë̈ gjen forcën të na dëmtojë”, tha Haxhiu./InLajmi/
