Disa nga ngjarjet, njerëzit dhe datat më me ndikim në historinë turke dhe atë botërore që kanë shënuar ditën e sotme, 19 nëntor.
19 nëntor 1092 – Vdiq në Bagdad Sulltani i Perandorisë së Madhe Selçuke, Malik-Shah I.
19 nëntor 1900 – Një grup prej 119 grash angleze, të cilat kërkonin të drejtën për të zgjedhur dhe t’u zgjedhur, u arrestuan pasi hynë me forcë në Dhomën e Komunëve.
19 nëntor 1923 – Ekonomia e Gjermanisë ra në kolaps për shkak të krizës që kishte filluar pas Luftës I Botërore. Marka gjermane pësoi një zhvleftësim të jashtëzakonshëm: 1 dollar amerikan u këmbye për 4,2 trilionë marka gjermane.
19 nëntor 1938 – Arkivoli me trupin e liderit të Luftës Çlirimtare Turke, themeluesit dhe Presidentit të parë të Republikës së Turqisë, Mustafa Kemal Ataturk, u përcoll nga Stambolli për në Ankara mes lotëve të qytetarëve.
19 nëntor 1967 – Kuvendi i Madh Popullor i Turqisë autorizoi qeverinë për të dërguar trupa jashtë shtetit si masë kundër përshkallëzimit të tensionit në Qipro. Flota turke u vu në alarm, ndërsa Divizioni 28. në Ankara u dislokua në Iskenderun (Aleksandretë).
19 nëntor 1977 – Një avion pasagjerësh i Linjave Ajrore të Portugalisë ra në Madeira duke shkaktuar 130 të vdekur.
19 nëntor 1984 – Terroristët armenë martirizuan diplomatin turk, Enver Ergun, i cili ishte me mision në Zyrën e Kombeve të Bashkuara të Vjenë.
19 nëntor 1985 – Presidenti amerikan, Ronald Reagan dhe udhëheqësi i Bashkimit Sovjetik, Mihail Gorbaçov, u takuan për herë të parë në Gjenevë të Zvicrës. Në fund të samitit dyditor, dy liderët vendosën për reduktimin me 50 për qind të armëve bërthamore strategjike.
19 nëntor 1994 – Sportisti turk, Halil Mutlu, theu 7 rekorde botërore në Kampionatin Botëror të Peshëngritjes.
19 nëntor 1997 – Bobbi McCaughey solli në jetë shtatanjakë në Shtetet e Bashkuara të Amerikës. Ngjarja u regjistrua në literaturën e mjekësisë si rasti i parë në të cilin të gjitha foshnjat shtatanjake erdhën në jetë të gjalla.
19 nëntor 2005 – Një grup ushtarësh amerikanë masakroi 24 gra dhe fëmijë në qytezën Hadisa, pas pushtimit të Irakut. Edhe pse 4 ushtarë u akuzuan për këtë masakër, ata u shpallën të pafajshëm ende pa dalë përpara trupit gjykues.
