Ministri i Shëndetësisë, Armend Zemaj ka përuruar sot objektin e Urgjencës në Qendrën Kryesore të Mjekësisë Familjare në Malishevë, përcjell InLajmi.
Zemaj ka theksuar se pacientët nga kjo komunë nuk do të kenë nevojë të frekuentojnë urgjencat spitalore në qytetet e tjera, dhe ka njoftuar se situata epidemiologjike në Malishevë është nën kontroll.
“Investimet për kompletimin e infrastrukturës shëndetësore në Kosovë janë prioritet i Ministrisë së Shëndetësisë. Ndërsa, krahas kësaj po vazhdojmë të rrisim edhe kapacitetet testuese, po sigurojmë pajisje mjekësore dhe furnizimet me barna.” ka shkruar Zemaj në Facebook.
Gjithashtu, ministri Zemaj ka falendëruar personelin shëndetësor për angazhimin që ka pasur në trajtimin e rasteve me Covid-19 që nga dita e parë.
Ky është postimi i plotë i tij:
Sot, kur po përurojmë objektin tepër të nevojshëm të Urgjencës në Qendrën Kryesore të Mjekësisë Familjare në Malishevë, është shumë e rëndësishme të theksohet se situata epidemiologjike në këtë komunë është nën kontroll dhe Malisheva ndodhet në zonën e gjelbër.
Tashmë pacientët nga kjo komunë nuk do të kenë nevojë të frekuentojnë urgjencat spitalore në qytetet e tjera.
Angazhimi i udhëheqjes Komunale, Drejtorisë së Shëndetësisë, së shtabeve emergjente, Policisë dhe Inspektorateve, do të vazhdoj me këtë ritëm në mënyrë që qytetarët të mbrohen maksimalisht nga Covid-19.
Investimet për kompletimin e infrastrukturës shëndetësore në Kosovë janë prioritet i Ministrisë së Shëndetësisë.
Ndërsa, krahas kësaj po vazhdojmë të rrisim edhe kapacitetet testuese, po sigurojmë pajisje mjekësore dhe furnizimet me barna.
Dua ta falënderoj personelin shëndetësor për angazhimin që ka pasur që nga dita e parë, duke trajtuar rastet me Covid-19, të cilat nuk janë hospitalizuar, duke marrë trajtimin mjekësor përmes vizitave mjekësore shtëpiake.
Përkrahja dhe ndihma do të vazhdoj edhe më tej.
Bashkë ia dalim!/InLajmi/
