U.d e Presidentit të Kosovës Vjosa Osmani ka njoftuar se ka rezultuar pozitiv me koronavirus, përcjell InLajmi.
Osmani ka thënë se ajo nuk do të ndalet dhe se të gjitha detyrat do t’i kryej nga shtëpia.
Ajo ka shtuar se takimet e parapara do t’i zhvillojë në platformen online.
Tutje Osmani ka se përkundër kujdesit maksimal, virusi po gjindet kudo dhe mund ta prek çdo njërin.
Postimi i plotë i saj:
Të nderuar qytetarë!
Pasi disa të afërm me të cilët kisha kontakt rezultuan pozitivë në testin për Covid-19, u testova në IKSHKP dhe pak më parë u njoftova se edhe unë kam rezultuar pozitiv.
Në dy javët e ardhshme do të punoj nga shtëpia, duke u kujdesur që secili dokument a vendim që kërkon shqyrtim e vendimmarrje dhe që lidhet me përgjegjësitë e mia në të dy funksionet shtetërore që i ushtroj, të trajtohet në kohë. Po ashtu, një numër takimesh do t’i vazhdoj nëpërmjet platformave elektronike.
Përkundër kujdesit maksimal, po shihet që këto ditë virusi është kudo, më i përhapur se kurrë më parë, njëjtë i rrezikshëm si çdoherë. Prandaj, uroj që ta tejkalojmë këtë sfidë bashkërisht, duke mos e injoruar rrezikun nga virusi dhe kujdesin që duhet treguar.
Mirëmbetshi e shëndet të gjithëve! /InLajmi/
