SHBA-ja vazhdon të regjistrojë shifra të larta të infeksionit me koronavirus.
Në SHBA janë regjistruar sërish më tepër se 100 mijë raste të reja me koronavirus në 24 orët e fundit, dhe është dita e 12-të rresht që regjistrohen mbi 100 mijë raste të reja.
Të premten ishte regjistruar shifër rekorde që nga fillimi i pandemisë, me 184.514 raste të reja, raporton CNN.
Sipas të dhënave të Universitetit John Hopkins, të shtunën në SHBA janë regjistruar 166.555 raste të reja dhe 1266 të vdekur, transmeton Lajmi.net
Që nga fillimi i pandemisë SHBA-ja ka raportuar më tepër se 10.9 milionë raste me koronavirus dhe mbi 245 mijë të vdekur.
