Ndihmës-trajneri i Kosovës, Muharrem Sahiti ka thënë se situata me pandeminë i ka penalizuar shumë në këtë edicion të Ligës së Kombeve.
Disa prej futbollistëve kosovarë patën probleme me klubet e tyre për shkak se nuk u lejuan të udhëtonin për shkak të pandemisë, gjë e cila ka çuar në formën jo të mirë të Dardanëve, pasi gjithmonë ka mungesa të theksuara në këto tre muajt e fundit.
Sahiti i cili e drejtoi Kosovën në mungesë të Challandes, e bën pikërisht fajtor këtë fakt për formën jo të mirë të tanëve, që pësuan edhe sonte humbje nga Sllovenia.
”Pandemia na ka penalizuar shumë por do tia dalim nga kjo situatë”.
”Definitivisht unë jam i kënaqur me angazhimin e lojtarëve. Nuk patem fatin ta mbajmë rezultatin deri në fund. Penalltia dhe një ndërhyrje në fillim në minuten e 9 e kanë vendosur ndeshjen”, shkruan Lajmi.net,
”Në keto dite ne kemi punuar të ndryshojme mentalitet dhe e dëshmuan futbollistët sonte. I falenderoj shumë”, tha Sahiti pas ndeshjes
