Qeveria kërkon ndihmë nga agjencia “Guardia di Finanza” për 2 milionëshin

Qeveria e Kosovës ka kërkuar ndihmë nga agjencia italiane “Guardia di Finanza” që të hetoj skandalin e vjedhjes së më shumë se 2 milionë eurove në Thesarin e Shtetit.

Këtë kërkesë e ka bërë Ministria e Financave.

Ministrja Hykmete Bajrami ka konfirmuar për Kanal10 se i ka bërë ftesë zyrtare përmes ambasadorit italian në Kosovë Nikolas Orlando, që kjo agjenci të hetoj skandalin e vjedhjes në thesarin e shtetit.

“Pas vjedhjes në Thesar, në cilësinë e ministres së Financave i kam dërguar letër ambasadorit italian, që në fusha të bashkëpunimit të përfshihet edhe Thesari, me theks auditimi në Thesar, por edhe ngritja e nivelit të sigurisë dhe integritetit të sistemit. Njëherësh kam kërkuar nga ambasadori i BE-së z.Tomas Szunyog edhe mbështetjen financiare nga BE-ja që “Gurdia di Finaza” të auditoj Thesarin”, ka thënë Bajrami, shkruan Lajmi.net

Më 21 tetor, është bërë e ditur se mbi 2 milion euro ishin vjedhur nga Thesari i Shtetit. Për këtë rast është arrestuar Labinot Gruda, punonjës në këtë institucion, të cilit është caktuar 30 ditë paraburgim nga Gjykata Themelore e Prishtinës.

Tags: “Guardia di Finanza”2 milioneshi qeveria