Ditën e djeshme, presidenti i Serbisë, Aleksandër Vuçiq ka dhënë një deklaratë me të cilën shkaktoj reagime të shumta në vendin tonë por edhe në SHBA, përcjellë InLajmi.
U.d presidente, Vjosa Osmani i reagoi me një status në Twitter po ashtu edhe ministrja e punëve të jashtme, Meliza Haradinaj-Stublla e quajti “këlysh i Rusisë”.
Ndërsa, sot Lista Serbe me anë të një deklarate ka thënë se Vuçiq po sulmohet në formë histerike nga zyrtarët kosovare.
Komunikata për shtyp e Listës Serbe:
“Mos sinqeriteti i zyrtarëve të Prishtinës kur bëhet fjalë për dialog, ruajtjen e paqes dhe vendosjen e vlerave evropiane në Kosovë, më së miri janë përfaqësues me sulmet e sotme histerike ndaj presidentit Aleksandar Vuçiq. Deklaratat dhe kërcënimet skizofrenike drejtuar presidentit Vuçiq, i cili bën thirrje për paqe dhe zgjidhjen e të gjitha çështjeve të hapura përmes dialogut nën kujdesin e Bashkimit Evropian, tregojnë se sa populli shqiptar në Kosovë ka mbetur në duart e politikanëve të pa pjekur në shekullin 21 kur edhe po jetojmë“, ka thënë Lista Serbe.
Tutje në statusin e saj në Facebook, shkruan: “Lista Serbe ndan pikëpamjen e presidentit Vuçiq se të gjithë në Ballkan kanë nevojë për paqe, progres ekonomik, por edhe një ndryshim në retorikën e politikanëve që jetojnë të bllokuar në të kaluarën, duke rrezikuar kështu të ardhmen e qytetarëve dhe duke mashtruar qytetarët e tyre në Prishtinë“./InLajmi/
