Qeveria e Kosovës ka mbajtur mbledhjen e radhës ku u diskutua çështja e situatës pandemike me koronavirus raporton InLajmi.
Përveç kësaj u diskutuan edhe për tema të tjera ku ministri i Ekonomisë dhe Ambientit Blerim Kuçi ka kërkuar që në rend të ditës të mbledhjes që Qeverisë të futet edhe plani buxhetor për Trepçën.
Sipas ministrit Kuçi kjo ndërmarrje është në situatë emergjente dhe se kërkon vëmendje dhe përkushtim.
Ai ka shtuar se prej programit për rimëkëmbje ekonomike janë ndarë 2 programe ajo për ndërmarrësi dhe pjesa monitoruese.
“Plotësimet në rend të ditës , nuk janë të duhura por për shkak të emergjencës së temës së Trepçës po propozoj që të jetë pika e 19 e rendit të ditës dhe ka të bëjë për planin buxhetor, dhe me e ndihmuar Trepçën në këtë kohë”.
“Prej programit për rimëkëmbje ekonomike kemi ndarë dy programe ajo për ndërmarrje dhe pjesa monitoruese”.
Punëtorët e ndërmarrjes Trepça nuk e kanë marrë pagën e muajit tetor. Shkak janë bërë borxhet e shumta të trashëguara, të cilat i ka thelluar edhe më tepër kriza e shkaktuar nga pandemia Covid-19.
Xhirollogaritë e ndërmarrjes u bllokuan nga përmbaruesi në fund të muajit të kaluar, për shkak të borxheve ndaj furnizuesve. /InLajmi/