Kandidati demokrat presidencial në SHBA, Joe Biden, deklaroi se askush nuk mund t’ua marrë demokracinë nga duart
“Askush nuk do të jetë në gjendje të na e marrë demokracinë, as tani dhe as kurrë”, tha Biden në një deklaratë në Twitter.
Biden vuri në dukje se SHBA-ja ka kaluar shumë beteja deri më tani.
Kandidati demokrat Joe Biden tha në një deklaratë në shtetin Delaware se nuk ka dyshim se do t’i fitojë zgjedhjet dhe u kërkoi mbështetësve të tij të qëndronin të qetë.
Ndërkaq, presidenti amerikan Donald Trump dje tha: “Nëse i numëroni votat e hedhura në mënyrë të ligjshme, unë i fitoj me lehtësi këto zgjedhje. Nëse i numëroni votat e paligjshme dhe të vonuara, Demokratët mund të na i vjedhin këto zgjedhje”.
Ndryshe, rezultatet e përkohshme në zgjedhjet presidenciale në SHBA tregojnë se asnjëri kandidat ende nuk e ka arritur numrin e duhur të delegatëve për të shpallur fitoren, transmeton Anadolu Agency
Rezultatet ende nuk janë definuar në shtetet kyçe Pennsylvania, Karolina e Veriut, Georgia, Arizona dhe Nevada.
