6 nëntor 1494 – Në Trabzon erdhi në jetë Sulltan Sulejman Ligjbërësi, njohur botërisht si “I Madhërishmi”. Ai u ul në fronin e Perandorisë Osmane pas vdekjes së babait të tij, Selim I, në vitin 1520, duke u bërë sulltani 10. otoman. Sulejmani e drejtori Perandorinë Osmane për 46 vite me radhë dhe u bë sulltani që zgjeroi më shumë territoret e saj.
6 nëntor 1860 – Abraham Lincolni u zgjodh president 16. i Shteteve të Bashkuara të Amerikës, i pari nga radhët e republikanëve. Ai është lideri që ruajti bashkimin e vendin duke korrur fitore mbi jugorët përkrahës të rendit skllavopronar gjatë Luftës Civile Amerikane. Skllavëria në SHBA u ndalua pikërisht në mandatin e Lincolnit.
6 nëntor 1893 – Kompozitori rus me famë botërore, Pyotr Ilyich Tchaikovsky, vdiq në Shën-Petërburg, në moshën 53-vjeçare. Shkaku zyrtar i vdekjes së tij u tha se ishte kolera.
6 nëntor 1944 – Shtetet e Bashkuara të Amerikës prodhuan për herë të parë plutoniumin në Impiantin Bërthamor të Hanfordit. Ky plutonium u përdor në prodhimin e bombës atomike që do të hidhej në Nagasaki të Japonisë.
6 nëntor 1983 – Qytetarët turq iu drejtuan për herë të parë kutive të votimit pas grushtit ushtarak të 12 shtatorit 1982. Zgjedhjet parlamentare në fjalë, ku garuan vetëm kandidatët e 3 forcave politike të lejuara nga qeveria e 12 shtatorit, përfunduan me rezultate befasuese. Partia Mëmëdheu (ANAP) e Turgut Ozalit nxori 211 deputetë dhe fitoi shumicën për të qeverisur e vetme Turqinë. Partia Popullore (HP) fitoi 117 mandate, kurse Partia e Demokracisë Nacionaliste (MDP), e cila drejtohej nga Turgut Sunalp dhe mbështetej nga qeveria ushtarake e 12 shtatorit, arriti të nxjerrë vetëm 71 deputetë.
6 nëntor 1985 – Militantët antiqeveritarë në Kolumbi bastisën Pallatin e Drejtësisë në kryeqytetin Bogota të vendit. Në përleshjet ndërmjet forcave të sigurisë dhe militantëve humbën jetën 115 persona, mes të cilëve 11 gjykatës të lartë.
6 nëntor 1988 – Terroristët e PKK-së sulmuan një fshat në Dargeçit të Mardinit, provincë në juglindje të Turqisë, duke martirizuar 4 veta, 3 prej të cilëve mësues.
