Policia e Austrisë ka njoftuar se ka arrestuar 14 të dyshuar për sulmin terrorist në Vjenë, ku mes tyre janë katër shqiptarë, dy nga Kosova, ku këta të fundit njëri është nga Ferizaj dhe tjetri nga Reçani i Suharekës.
Të arrestuarit me prejardhje nga Kosova janë K.K nga Ferizaj i lindur më 2004, dhe A.F nga Reçani në Suharekë, i lindur më 1999.
Ministri i Brendshëm i Austrisë, Karim Nehammare, në mbrëmjen e djeshme tha se nuk ka ndonjë dëshmi se ka pasur atentatorë tjerë, pos shqiptarit nga Maqedonia Veriore, K.F. Mirëpo, Autoritetet e Maqedonisë Veriore kanë konfirmuar gjithashtu se personat me iniciale për A.G dhe U.A janë të dyshuarit tjerë.
Kutjojmë, që K.F është i dyshuari kryesor, 20 vjeçari me prejardhje nga Maqedonia e Veriut, nga Çellopeku i Tetovës, që vdiq gjatë sulmit natë e krimit që tmerroi Vjenën e gjithë botë, kishte mbajtur një kalashnikov të shkurtuar, një pushkë sulmi, dhe një armë dore, duke qëlluar pa iu dridhur çerpiku nëpër rrugët e Vjenës, duke lënë të vdekur katër persona dhe plagosur 20 të tjerë.
Ndërsa, Grupi militant, Shteti Islamik mori përgjegjësinë për sulmin e së hënës në Vjenë, ku u vranë katër civilë dhe u plagosën 22 të tjerë. Në deklaratën e grupit militant ISIS të publikuar nga agjencia e tij e lajmeve “Amaq”, nuk janë ofruar të dhëna për marrjen e përgjegjësisë, transmeton Gazeta Metro
Deklarata është shoqëruar me një fotografi të një burri me emër “Abu Dagnah Al-Albany”, duke thënë se ai ka sulmuar turmat e njerëzve në qendër të Vjenës të hënën, para se të vritej nga policia austriake.
