Kujtim F. 20 vjeçar me origjinë nga Maqedonia e Veriut, dyshohet të jetë njëri prej sulmuesve të mbrëmshëm në Vjenë, pas ngjarjes që la të vdekur 5 persona deri më tash.
Mediat austriake tani kanë zbuluar të dhëna rreth të dyshuarit kryesor në sulmin e mbrëmshëm, i cili po ashtu është vrarë më vonë.
Kujtim F. 20 vjeçar ka lindur në Austri. Ai është me rrënjë maqedonase dhe nga autoritetet austriake ka qenë i njohur njohur si një mbështetës i skenës islamike radikale.
Ndryshe, pak më herët ministri i mbrojtjes së Austrisë ka dalur me një deklaratë, ku ka dhënë më shumë detaje për identitetin e sulmuesit që kreu aktin terrorist mbrëmë në Vjenë.
‘’Bastisjet e gjera në lidhje me sulmin terrorist ndodhën sonte. pas përfundimit të 15 kontrolleve në shtëpi dhe kështu disa arrestime, ne gjithashtu mund të japim numrin e identitetit të vrasësit të njohur. Vrasësi është një shtetas austriak 20 vjeç me dy shtetësi. emri i tij është Kujtim’’, thuhet në deklaratën e Ministrisë së Mbrojtjes.
Ndërkaq, deri tani janë raportuar 5 viktima nga ky sulm dhe dhjetëra persona të tjerë që ndodhen në rrezik për jetë.
Mesazhe ngushëllimi dhe solidarizimi kanë ofruar liderët në mbarë botën, duke dënuar ashpër sulmet terroriste të tilla që kanë për qëllim frikësimin e qytetarëve të pafajshëm dhe dëmtimin e tyre, përcjell Gazeta Metro
Policia vazhdimisht u ka bërë thirrje qytetarëve austriak të mos lënë shtëpitë, dhe të mos përdorin transportin publik.
