Shqipëria ka vendosur të rrisë nivelin e sigurisë pas sulmeve të fundit terroriste. Report tv mëson se masat e sigurisë janë rritur me agjente civilë në ambiente publike me prani të madhe njerëzish, në aeroporte, porte dhe pika kufitare.
Shqipëria ka vendosur të rrisë nivelin e sigurisë pas sulmeve të fundit terroriste, në Francë 2 sulme me 3 të vdekur dhe disa të plagosur pas publikimit të karikaturave të profetit Muhamed, dhe një në Vjenë i ndodhur mbrëmjen e djeshme, me 4 viktima.
Niveli i sigurisë nga jeshile ka kaluar në portokalli. Ndërkohë do të ketë shkëmbime në kohë reale me njësitë e antiterrorit në Evropë e me partnerët.
Report tv mëson se masat e sigurisë janë rritur me agjente civilë në ambiente publike me prani të madhe njerëzish, në aeroporte, porte dhe pika kufitare.
Masa shtesë sigurie janë marrë edhe në selitë diplomatike në vend. Këto masa sipas burimeve do të jenë deri ne fundvit. Aktualisht kanë hyrë në vendin tonë mbi 30 shtetas të huaj për të cilët ka pasur indicie për aktivitete me prirje ekstremiste.
