Analistja Donika Emini thotë se Kosova ka pasur mbështetje nga të 2 palët që janë në garë në Shtetet e Bashkuara të Amerikës.
“Ngjarjet më të mëdha për Kosovën ka ndodhur në kohën kur në Shtëpinë e Bardhë kanë qenë republikanët. Pavarësia dhe transformimi i FSK-së kanë ndodhur me republikanët. Shndërrimi në ushtri me ligj ka qenë i pamundur pa mbështetjen e SHBA-së”, tha ajo në RTV Dukagjini,
Emini thotë se Biden do të mbështesë agjendën që e ka filluar Trumpi për raportet Kosovë-Serbi dhe do të bashkëpunoj edhe me Lajçakun, përcjell Telegrafi.
“Asnjë marrëveshje që ka nënshkruar Trumpi për Kosovën nuk do të vihet në dyshim nga Biden. Të gjitha marrëveshjet që janë nënshkruar Biden i ka mbështetur”, tha ndër të tjera Donika Emini.
