Zëvendëskryeministri i Kosovës, Besnik Tahiri ka njoftuar se në sulmin e ndodhur mbrëmjen e sotme në Vjenë nuk është raportuar për asnjë kosovar të plagosur, përcjell InLajmi.
Tahiri ka thënë se sipas informacioneve deri më tani nuk ka ndonjë qytetar të Kosovës të lënduar.
Postimi i plotë i tij:
Në këto momente të vështira jemi me banorët e Vjenës ku ndodhën disa sulme terroriste. Për momentin dihet se diku rreth orës 20:00 ka pasur disa të shtëna, duke filluar nga Seitenstettengasse.
Ambasadori ynë, Lulzim Pllana e konfirmoi se stafi ynë diplomatik është i sigurtë dhe se për momentin nuk ka ndonjë qytetarë të Kosovës të lenduar. /InLajmi/
