Të ejtën me 05.11.2020 në ora 17:00 në Galerinë e Arteve (Qendra e Kulturës “Rexhep Mitrovica”), në Mitrovicë bĕhet hapja solemne e Bienales së parë Ndërkombëtare e Grafikës “Mitrovica Print 2020”. – shkruan InLajmi.
Në këtë Bienale, e cila mbahet për herë të parë në Kosovë, pos artistëve kosovar, do të prezantohen mbi 100 punime të 60 artistëve eminent nga 15 shtetet e botës, si nga; Polonia, Shqipëria, Ukraina, Gjermania, Maqedonia Veriore, Argjentina, Italia, Danimarka, Turqia, Serbia, Bosna dhe Hercegovina, Holanda, Zvicrra, etj.
“Për organizimin e Benales të Grafikĕs “Mitrovica – print”, kemi marrë pĕrkrahje si morale ashtu edhe materiale, nga DKRS-ja në Mitrovicë, dhe nga Ministria e kulturĕs”, – tha për InLajmin, Prof. Tafil Peci Boletini, kurator dhe njëri ndër organizatoret, jo vetëm të këtij evinementi, por edhe të Kolonisë tradicionale me karakter ndërkombëtar të Artistĕve figarativë, dhe të shpërblimit vjetor për artin pamor, “Kadri Kadriu”, në Mitrovicë.
“Interesimi i artistëve të grafikës nga e gjithë globi, për pjesmarrje në këtë Bienale, ishte tepër i madh, mirëpo për shkak të pandemisë #Covid 19#, shumë nga ata, nuk kishin mundësi t’i sjellin punimet e tyre ose të jenë fizikisht në Mitrovicë. Por, përkundër kësaj, edhe pse ĕshtë hera e parë që po mbahet një Bienale e tillë tek ne, jemi të kënaqur me prurjen e punimeve nga më se gjashtëdhjetë artistë grafikë, shumica e të cilëve, janë emra të njohur në botën e artit”, – u shpreh gjatë bisedës me gazetarin e InLajmit, Prof. Tafil Peci Boletini. Të shtojmë se Bienalja e Parë Ndërkombëtare e Grafikës “Mitrovica Print 2020”, do të zgjatë deri në fund të këtij viti kalendarik, me çrast aderuesit e artit pamor, jo vetëm nga Mitrovica, do të kenë rastin të kënaqen me më se 100 punime grafike, të artistëve të njohur shqiptar dhe atyre nga vendet e ndryshme të botës.
Me këtë rast Juria profesionale do të bëjë edhe ndarjen e tre çmimeve, për punimet më të mira, në këtë Bienale.
Osman Goranci /InLajmi/
