Tronditi një botë të tërë vrasja e 3 personave në Nice të Francës.
Autori i vrasjeve ishte një 21-vjeçar me origjinë nga Tunizia, i identifikuar si Brahim Aouissaoui.
Mediat i kanë kushtuar rëndësi një detaji pak para se të ndodhte kjo ngjarje dhe kanë publikuar foton e të riut veshur me rroba të reja, e këtë foto mendohet se ai ia ka dërguar familjarëve në Tunizi.
Kjo foto është realizuar në një dyqan në Francë një ditë para se ai të hynte në kishën në qendër të Nicës i armatosur me 2 thika. Ditën e vrasjes, ai kishte veshur të njëjtat rroba që i tregoi familjarëve.
Mësohet se fotot i janë dërguar familjarëve dhe miqve të tij në Tunizi, vend të cilin ai e la kohë më parë duke shkuar në fillim në Itali e më pas në Francë.
Në një intervistë të dhënë vëllai i tij shpjegoi se një ditë më parë i riu i kishte marrë në telefon dhe kishte qëndruar më gjatë se herët e tjera duke i thënë se çdo gjë po i shkonte më së miri.
