Mbi 94 mijë persona janë testuar për koronavirus, nga 13 marsi kur edhe ka nisur shfaqja e rasteve të para në Kosovë. Rreth 20 mijë prej tyre kanë rezultuar pozitivë, ndërsa 681 kanë vdekur.
Në 24 orët e fundit në Kosovë janë konfirmuar 514 raste të reja me COVID-19.
Instituti Kombëtar i Shëndetësisë Publike të Kosovës të shtunën ka bërë të ditur se janë testuar 1700 mostra të marra nga SHSKUK dhe gjurmimi i kontakteve të rasteve në terren.
Numri total i rasteve pozitive ka shkuar në 19. 842, derisa raste aktive janë 3. 641.
Brenda 24 orëve janë raportuar tri raste të vdekjes me SARS CoV-2 pozitiv, duke çuar në 681 numrin e vdekjeve si pasojë e koronavirusit në vend.
86 persona janë shëruar në 24 orët e fundit, derisa numri i përgjithshëm i të shëruarve deri është gjithsej mbi 15 mijë, shkruan EO.
“Numri total i rasteve pozitive është 19.842 raste nga 94.456 persona të dyshimtë në virusin SARS-CoV-2 dhe 681 raste të vdekjes. Gjatë 24 orëve të fundit, janë shëruar 86 pacientë derisa numri i përgjithshëm i të shëruarve deri më sot është gjithsej 15.520 raste, kurse numri i rasteve aktive është 3.641”, thuhet në raportin e fundit të IKSHPK-së
