Dhembja e këmbëve kur ecni shpeshherë mendohet të jetë diçka normale që vjen me moshën, por nuk është.
Ecja mendohet të jetë ushtrimi ideal për përmirësimin e shëndetit tuaj në shumë mënyra, por edhe gjatë ecjes ne duhet të kemi kujdes për sinjalizimet që mund të na japi trupi ynë rreth shëndetit, shkruan “Health.Harvard”,
Dhimbja gjatë ecjes nuk është pjesë normale e plakjes, kjo tregon që ju mund të keni sëmundje të arteries periferike (PAD).
Kjo sëmundje ju rrezikon zemrën dhe trurin. PAD zakonisht nuk është sëmundje trashëguese, por shfaqet teksa plakeni dhe më shpesh paraqitet tek personat që pinë duhan, ata që kanë probleme me presion të lartë të gjakut, yndyrë në gjak ose diabet.
Personat me PAD kanë grumbullime të yndyrës në arteriet jashtë zemrës, pra shumicën e rasteve në këmbë.
Dhimbja shkaktohet si pasojë e bllokimit të rrjedhës së gjakut të rregullt në muskuj duke iu pamundësuar atyre të funksionojnë siç duhet.
Kjo sëmundje është karakteristike për personat mbi moshën 50-60 vjeçare.
Simptomat zakonisht fillojnë si dhimbje në pulp, kofshë, legen dhe të pasme.
Dhimbja zgjatë vetëm gjatë ecjes dhe ndalon shumë shpejt pasi ndaloni aktivitetin, transmeton lajmi.net.
PAD ndikon tek muskujt dhe jo nyjet.
