Guardiola duket se nuk e ka ndërmend të largohet nga Manchester City edhe për disa vite.
Trajneri katalunas është pyetur rreth të ardhmes së tij, pasi nga vera e kaluar lidhet me një largim nga Citizens.
Por, Guardiola ka bërë të ditur se ai është i lumtur me situatën e tij te City dhe planifikon që të qëndrojë edhe për një kohë.
“Jam shumë i lumtur këtu”, ka thënë Guardiola në konferencë për media.
“Jam shumë krenar që jam pjesë e Manchester Cityt dhe shpresoj që të bëjë një punë edhe më të mirë që të qëndrojë këtu sa më gjatë”.
Spanjolli ka kontratë me Manchester Cityn deri në fund të këtij sezoni, derisa lidhet me një rikthim te Barcelona ose një kalim të mundshëm te Juventusi.
