Shtabi Emergjent i Komunës së Shtimes, i kryesuar nga kryetari Naim Ismajli, kanë mbajtur sot një mbledhje meqë rast u morrën disa vendime, përcjell InLajmi.
“Duke u bazuar në informatën për rritje të numrit të të infektuarëve në nivel të vendit, por edhe në nivel komunal me qëllim të ruajtjes se shendetit të qytetarëve e sidomos te moshuarëve dhe personave me sëmundje kronike, por edhe stafit komunal, Shtabi Emergjent Komunal ka marrur Vendim për të reduktuar numrin e punëtorëve të Administratës Komunale për 2 javë deri në një vendim tjetër të radhës, ndërsa të gjitha shërbimet komunal do të kryhen nëpërmjet, telefonit, internetit apo shërbimet online për qytetarë:, thuhet në njoftimin e Komunës.
Komuna e Shtimes është duke përcjellur me vëmendje situatën epidemiologjike dhe kërkon nga qytetarët bashkëpunim në ruajtjen e shëndetit të përgjithshëm duke zbatuar masat dhe rekomandimet e Qeverisë së Republikës së Kosovës, IKSHPK-së si dhe Shtabit Emergjent Komunal./InLajmi/
