Ministrja e Financave, Hykmete Bajrami, ka thënë se janë duke biseduar me Bankën Botërore për të siguruar vaksinën anti-COVID sapo ajo të jetë në dispozicion.
Në një konferencë për media ka bërë të ditur se deri më tash, që nga fillimi i pandemisë, janë ekzekutuar 245 milionë euro.
“Kemi bërë përpjekje maksimale që t’u dalim në ndihmë qytetarëve dhe bizneseve. Nevojat kanë qenë më të mëdha dhe jemi të vetëdijshëm për këtë. Deri tani janë ekzekutuar 245 milionë euro. Prej atij fondi prej 365 milionë eurosh presim vetëm Ligji të kalojë në mënyrë që të mobilizojmë edhe 100 milionëshin tjetër”, ka thënë Bajrami, përcjell Reporteri.
Ajo ka thënë se janë afër që të hyjnë në 2 programe të FMN-së.
