Shqiptarët kanë fituar shumë bashkëpunime me këngëtarë nga më të sukëseshmit në botë ndër ta është edhe shqiptari Albert Stanaj, i cili tani është duke bashkëpunuar me yllin botëror Ariana Grande.
Gjithçka nisi kur ai realizoi dhe më pas e postoi një cover të “No Tears Left to Cry”, këngë kjo e Ariane Grandes, ku me këtë rast Grande ishte e para që e ka mbështetur atë në rrjetet sociale , duke e cilësuar si një super talent që meriton sukseset ndërkombëtare.
E gjitha kjo u bë e ditur nëpërmjet një postimi në rrjetet sociale ku ai ka treguar se ka bashkëpunuar me Ariana Granden për albumin e saj të ri “Positions”, që ka dalë në treg vetëm disa orë më parë.
Ai ka shkruar tekstin e njërës prej këngëve të albumit dhe ky është një hap shumë i rëndësishëm për të dhe ne jemi tepër krenarë.
“Ju thashë që kam qëndruar në qetësi. Jam me të vërtetë shumë mirënjohës për shoqërinë që kam me Ariana Granden. Thellësisht mirënjohës që jam pjesë e këtij regjistrimi. Për të gjithë ata që janë pranë meje, faleminderit. Tani kemi shumë këngë rrugës. Koha për t’ia dalë.”
Mbetemi në pritje që në të ardhmen ta shohim në bashkëpunime me emra të njohur të muzikës ndërkombëtare. Stanaj është një këngëtar dhe kompozitor shqiptar, i rritur në New York, përcjell ICON.
Si një interpretues i ri, duke kënduar që kur ishte 6 vjeç, Stanaj ka performuar në shumë vende në të gjithë Amerikën dhe në Europë. Ai ka tërhequr vëmendjen e shumë personazheve të njohura, si për shembull Kim Kardashian e cila ka shpërndarë në rrjetet sociale coverat e tij.
