Ndryshimi i ligjit për Automjete, nuk është votuar as sot në seancën e Kuvendit të Kosovës, ligj ky me të cilin do të hiqej mologimi i veturave, raporton InLajmi.
Me 32 vota pro, asnjë kundër dhe asnjë abstenim, nuk ka arritur të kalojë ndryshimi i ligjit për automjete, në mungesë të kuorumit.
Ndryshimi i këtij ligji, i propozuar nga deputeti i Lëvizjës Vetëvendosje, Hekuran Murati, do të hiqte homologimin e veturave që vijnë nga jashtë Kosovës.
Për kontrollimin e veturave që vijnë nga jashtë e që shteti i ka dhënë gjithmonë licencë vetëm komapnisë QAK – Eurolab, në pronësi të Shkelqim Devollit, Homologimi është konsideruar edhe nga Bashkimi Evropian si i panevojshëm./InLajmi/
