Ministrja e Punëve të Jashtme, Meliza Haradinaj-Stublla, ka njoftuar se pas vizitës që ka pasur në Hungari me homologun e saj Péter Szijjártó, kanë nënshkruar 2 marrëveshje bilaterale, përcjell InLajmi.
“Nënshkruam 2 marrëveshje bilaterale: Mbrojtjen dhe Promovimin e Investimeve, dhe Programin e Koordinimit për Shkencën dhe Edukimin. Poashtu pata nderin të nënshkruaj Memorandumin e Mirëkuptimit për bashkëpunim në fushën e Edukimit e Shkencës për ofrimin e skemës së bursave ‘Stipendium Hungaricum’ – duke ngritur kështu numrin e bursave të ofruara nga Hungaria për studentët kosovarë nga 50 në 75 për tri nivele të studimeve”, shtoi Haradinaj-Stublla në Facebook.
Ministrja ishte e shoqëruar nga deputetja dhe Kryetarja e Komisionit Parlamentar për Punë të Jashtme Time Kadrijaj dhe Ministri i Arsimit dhe Shkencës Ramë Likaj.
“Bashkërisht i shprehëm homologut Hungarez mirënjohjen ndaj Hungarisë për mbështetjen e vazhdueshme ndaj Kosovës, subjektivitetit të saj ndërkombëtar, dhe aspiratën tonë Euro-Atlantike”, u shpreh ministrja Haradinaj.
Hungaria ka ftuar edhe shtetet e BE-së për veprim strategjik dhe vendimmarrje finale gjatë sidomos tani gjatë Presidencës Gjermane./InLajmi/
