Deputetja nga radhët e Partisë Demokratike të Kosovës Besa Ismaili ka thënë se zgjerimi i komptencave të Asociacionit të Komunave Serbe drejt kompetencave ekzekutive duhet të jetë alarmi ynë më i madh institucional, përcjell InLajmi.
Ajo ka shtuar se Implikimin direkt i politikave të tij, cenueshmërisë së çështjeve substanciale shtetërore, ai do të vështirësojë tutje veprimtarinë politike, e cila lidhet direkt me jetën e banorëve të veriut.
Ismaili ka thënë se bBanorët e Veriut madje janë anashkaluar edhe në pandemi, duke përjetuar një shtypje të dyfishtë nga mënjanimi gjatë përfshirjes në skema ndihmëse nga organet e nivelit lokal dhe ai qendror.
Postimi i plotë i saj:
Zgjerimi i komptencave të Asociacionit të Komunave Serbe drejt kompetencave ekzekutive duhet të jetë alarmi ynë më i madh institucional!Implikimin direkt i politikave të tij, cenueshmërisë së çështjeve substanciale shtetërore, ai do të vështirësojë tutje veprimtarinë politike, e cila lidhet direkt me jetën e banorëve të veriut.
Nga takimet dhe informimet direkte me banorët e veriut, jam e vetëdijshme që situata është e rënduar atje, e cila ende bartë plagë të së kaluarës, probleme elemetare me veprimtari jetësore, të tilla siç janë mirëqenia, vendbanimi, politikat institucionale e shumë e shumë çështje të tjera.
Banorët e Veriut madje janë anashkaluar edhe në pandemi, duke përjetuar një shtypje të dyfishtë nga mënjanimi gjatë përfshirjes në skema ndihmëse nga organet e nivelit lokal dhe ai qendror.
Por, kjo nuk mjafton me kaq. Shqetësimi i tyre nga një rikolonializim serb, ndërtimi i hapësirave sportive përreth lagjeve ku ata veprojnë, është i madh. Kjo pasiguri e tyre, do të duhej të ishte shqetësim edhe për kryeministrin, i cili as zotimin për kompetenca ekzekutive të asociacionit nuk po e garanton!
Banorët e Veriut nuk duhet të bëhen kurban me fatin e tyre, pronat e tyre si dhe veprimet e tyre sociale dhe ekonomike për një marrëveshje përfundimtare, e cila po na premtohet me njohje të ndërsjellë nga qeveria jonë, por duhet të gëzojnë gjithëpërfshirje, siguri dhe ndihmesë institucionale, ta cilat, fatkeqësisht nuk i kanë. /InLajmi/
