Komisioni për Qeverisje Lokale, Administratë Publike, Zhvillim Rajonal dhe Media,ka mbajtur mbledhjen e radhës të bordit ku është disktuar për RTK-në, raporton InLajmi.
Anëtari i këtij komisioni, Rasim Selmanaj ka thënë se raportimi i bordit të RTK-së në këtë komision është normale.
“Të gjithë i dimë zhvillimet në RTK dhe me ftuar Bordin me raportuar është normale. Por çështjen e zgjedhjes së drejtorit të ri e kemi diskutuar më herët. Dhe ai rast ka shkuar në gjykatë. Ne duhet të presim derisa ka një vendim andej”, tha Selmanaj.
Ardian Shala tha se ata janë organi që kanë zgjedhur këtë bor dhe se duhet ta ftojnë në raportim.
“ Nuk ka diçka emergjente por kërkesa ekziston me ftuar këtë Bord. E jona është që ky institucion është publik dhe ne jemi organ që e kemi zgjedh atë Bord, andaj duhet ta ftojmë.
Ndërsa edhe kryesuesi i komisionit Mergim Lushtaku ka qenë pro raportimit të bordit të RTK-së, duke e hedhur në votim këtë propozim.
Komisioni për Qeverisje Lokale, Administratë Publike, Zhvillim Rajonal dhe Media në mbledhje ka shqyrtuar raportin e Këshillit të Pavarur Mbikëqyrës për Shërbimin civil të Kosovës dhe raportin vjetor të Agjencionit të Statistikave të Kosovës./InLajmi/
