Aktori i njohur kosovar, Shkëlzen Rraci, ka ndërruar jetë në moshën 44 vjeçare, pas një sëmundje të rëndë, përcjell InLajmi.
Lajmi u bë i ditur nga miku i tij i ngushtë Xhelal Haliti, në rrjetin social në Facebook i cili ka treguar për kohën e mirë që e kanë kaluar së bashku.
Njoftimi i plotë i tij:
Qenka e veshtirë ti them lamtumirë mikut tim të shtrenjtë Shkelzen Rraci, shokut e kolegut tim të dashur që nga studimet, e pastaj edhe projektet e shumta të përbashkëta. Kemi kaluar kohën më të mirë së bashku, shumicën e kohës duke qeshur me batutat që i kishte të përkryera. Kemi udhëtuar bashkë gjithandej brenda dhe dhe jashtë vendit. Vërtetë e vështirë, kishim ende punë e plane për bërë. Ikja jote miku im do të le zbrazëti të madhe në shoqërinë tonë. Ke qenë shumë i afërt entuziast. Na mbetet të kujtojmë çdoherë miku im, energjin që kishe do ta kemi motiv e shembull për punë. Shprehim ngushllime familjes Rraci kolegëve e shokëve. Lamtumirë miku im i shtrenjtë Xeni ?. Të pushoftë shpirti në paqe ?/InLajmi/
