Deputetja e AAK-së, Albena Reshitaj, ka diskutuar lidhur me shtimin e rasteve të reja me koronavirus në vend, duke potencuar se mbyllja totale e vendit nuk është zgjidhje as për qytetarët e as për përgjegjësit shtetërorë, përcjell InLajmi.
Ajo thotë se kjo do të hendikeponte vendin, do të ulte edhe zhvillimin ekonomik, do të thellonte edhe më shumë krizën. Mbyllja do të ishte skenari i fundit i Qeverisë së Kosovës.
Ajo u ka bërë thirrje të gjitha institucioneve që të japin maksimumin dhe të bëjnë plane konkrete për tejkalimin e kësaj situate.
“Ne duhet ta implementojmë ligjin për pandeminë dhe të monitorojmë punën e përgjegjësve që duhet të zbatojnë ligjin”, ka thënë Reshitaj.
Sipas saj, Kosova është duke hyrë në një fazë më të rrezikshme, prandaj thirrja e saj ishte që qytetarët të zbatojnë masat duke filluar nga mbajtja e maskave, distanca dhe higjiena.
“Mos të tubohemi, mos të ketë grumbullime të shumë njerëzve”, ka thënë ajo./InLajmi/
