Ministri i Shëndetësisë Armend Zemaj, ka thënë se rritja e numrit të të infektuarve në Kosovë nuk nënkupton rikthim të masave të reja, raporton InLajmi.
Zemaj ka bërë thirrje për respektim të masave dhe zbatim pa rezervë.
“Ju bëjmë thirrje qytetarëve për zbatim të pa rezervë të masave kundër COVID 19. Angazhimi ynë i përbashkët në zbatimin e masave, e përsëris se duhet të zbatoni masat dhe kështu e luftojmë pandeminë”, ka thënë Zemaj.
Ndërkaq kryeministri Avdullah Hoti ka thënë se momentalisht gjendja është në kontroll.
“Besoj që tash edhe ligji edhe praktika që e kemi ndërtuar deri më tash na bëjmë të mundur që të marrim vendime shpejtë, besojmë që gjendja është në kontroll”, ka thënë Hoti./InLajmi/
