Afera 2 milionëshe bëri bujë të madhe mediatike e kjo e bëri që të reagojë edhe zv. kryeministrja, Albulena Balaj, ka liruar nga detyra këshilltaren e saj Hajrie Gashi, pasi babi i kësaj të fundit dyshohet për përfshirje në aferën 2 milionëshe, përcjell InLajmi.
Balaj-Halimaj përkundër se e liroi nga detyra ka fjalë miradie ndaj Gashit duke e cilësuar si një ndër këshilltaret më të përkushtuara.
Ky është postimi i plotë pa ndërhyrje i Balajt:
Znj Hajrie që nga fillimi ka qenë ndër këshilltaret e përkushtuara jashtë mase dhe me sukses ka kryer të gjitha detyrat e ngarkuara nga unë!
Edhe pse jam e vetëdijshme që askush nuk duhet të mbahet përgjegjës për veprimet e familjarëve të tij, në këtë rast të saj, për shkak që kemi të bëjmë me një krim shumë të rëndë, lirimin e saj nga detyra e shoh si të domosdoshëm.
Këtë vendim e kam marrë për të hequr çdo dyshim para qytetarëve se funksioni i lartë i këshilltares do të mund të përdorej për pengim të drejtësisë! /InLajmi/
