Komisioni për Buxhet dhe Transfere nuk e ka miratuar në lexim të 2-të Projektligjin për Rimëkëmbjen Ekonomike.
Komisioni ka vendosur që të mërkurën e ardhshme të shqyrtoj dhe miratoj 8 amendamentet dhe raportin për këtë Projektligj.
Kujtojmë se të hënën e kaluar, Kuvendi i Kosovës me 64 vota për, asnjë kundër dhe asnjë abstenim, kishte votuar në lexim të parë këtë Projektligj, përcjell Telegrafi.
Ky Projektligj kishte dështuar të votohej për 6 herë që nga muaji gusht kur ishte prezantuar për herë të parë në Kuvend.
