Ministria e Shëndetësisë i ka hedhur poshtë poshtë dezinformatat që implikojnë Ministrin e Shëndetësisë, Armend Zemaj, në lajmet e rreme (fake news), rreth ardhjes së mjekëve nga Serbia dhe qasjen e papranueshme ndaj diasporës, të promovuara në disa ueb faqe, përcjell InLajmi.
“Përhapja e urrejtjes, panikut dhe lajmeve të rreme (fake news), është e dënueshme. Lajmet e rreme, në kohë pandemie krijojnë huti, dezinformim dhe urrejtje, prandaj, MShHka denoncuar pranë organeve të ndjekjes veprimet e tilla dhe pret që autorët të dalin para organeve të drejtësisë” thuhet në reagimin e MSH-së.
Reagimi i plotë nga MSH:
Ministria e Shëndetësisë i hedh poshtë dezinformatat që implikojnë Ministrin e Shëndetësisë, z. Armend Zemaj, në lajmet e rreme (fake news), rreth ardhjes së mjekëve nga Serbia dhe qasjen e papranueshme ndaj diasporës, të promovuara në disa ueb faqe.
Angazhimi i Ministrit, Ministrisë së Shëndetësisë, institucioneve dhe qytetarëve kundër virusit është i vazhdueshëm.
Përhapja e urrejtjes, panikut dhe lajmeve të rreme (fake news), është e dënueshme. Lajmet e rreme, në kohë pandemie krijojnë huti, dezinformim dhe urrejtje, prandaj, MSh ka denoncuar pranë organeve të ndjekjes veprimet e tilla dhe pret që autorët të dalin para organeve të drejtësisë.
Njëherësh, MSh i fton qytetarët që të mos bien pre e ueb faqeve dhe portaleve që përhapin urrejtje, panik dhe dezinformata si dhe të kenë besim në institucionet e Republikës së Kosovës që në kohë pandemie me unitet të plotë, janë në krye të detyrës dhe përgjegjësive./InLajmi/
