Autoriteti i Brazilit për Shëndetësi ka thënë të mërkurën se një vullnetar i një prove klinike të vaksinës anti-Covid-19, e zhvilluar nga AstraZeneca dhe Universiteti i Oksfordit ka vdekur. Në të njëjtën komunikatë tregohet se është nisur një hetim lidhur me rastin.
Tutje, thuhet se testimi i vaksinën do të vazhdojë pas vdekjes së vullnetarit. Nuk janë dhënë më shumë detaje duke cituar ruajtjen e besueshmërisë të atyre të përfshirë në prova.
Universiteti Federal i Sao Paulo, i cili po ndihmon në koordinimin e provave klinike të fazës së 3-të në Brazil, tha veçmas se vullnetari ishte brazilian por nuk tha se ku jetonte personi.
Prova e vaksinave AstraZeneca COVID-19 në Shtetet e Bashkuara pritet të rifillojë që nga kjo javë pasi Administrata e Ushqimit dhe Barnave të SHBA përfundoi shqyrtimin e një sëmundjeje të rëndë, thanë 4 burime për Reuters, përcjell EO.
Prova e madhe dhe e fazës së vonë të AstraZeneca në SHBA është në pritje që nga 6 shtatori, pasi një pjesëmarrës në proven e kompanisë në Mbretërinë e Bashkuar u sëmur me atë që dyshohej të ishte një çrregullim i rrallë inflamator i shtyllës kurrizore i quajtur mielit transversal.
