Po vazhdon të mbahet seanca e Kuvendit të Kosovës ku Enver Hoxhaj nga Partia Demokratike ka adresuar disa kritika ndaj kryeministrit Avdullah Hoti i cili gjatë fjalimit të tij tha se dialogu me Serbinë do përfundojë me njohje reciproke, raporton InLajmi.
Hoxhaj u shpreh se kjo është një iluzion që nuk duhet t’i besojmë, dhe se po i njejti mund ta godasë vendin.
“E dëgjova me vëmendje kryeministrin dhe përfaqësuesin e LDK-së dhe kolegët nga Vetëvendosje dhe kur i dëgjon me vëmendje e ke përshtypje që çka thotë kryeministri dhe kolegët nga LDK-ja është perceptim se njohja e ndërsjellë do të ndodhë, është akt i kryer. Ky është ai vizioni i shpresës që edhe unë dhe të tjerët e kemi kultivuar por e kam përshtypjen që në situatën që jemi është më serioze se që mund ta imagjinojmë”, u shpreh ai.
Moratoriumi, tha Hoxhaj “nuk është temë që ka rënë prej qiellit e duhet të fshihemi prapa marrëveshjeve por është zinxhir i ngjarjeve të koalicionit LVV-LDK që e ka sjellë këtë situatë”./InLajmi/
