Java që po e lëmë pas ishte javë tragjike për bashkëkombasit tanë që jetojnë në mërgim.
Pas 5 kosovarëve që vdiqën në Gjermani, sot raportohet se ka vdekur edhe një qytetar nga Kosova me banim në Zvicër.
Vesel Cen Avdylaj raportohet se ka vdekur si pasojë e një aksidenti në vendin e punës në Zvicër.
Për vdekjen e tij kanë njoftuar vetë familjarët, shkruan Reporteri.
“Dje me 16 tetor aksidentalisht në vendin e punes ne Zvicerr ndrroj jet Vllau i jon Vesel Cen Avdylaj duke na lan perher te piklluar familja Avdylaj ishalla per gjenet Vlla”, ka shkruar familjari i viktimës
Kujtojmë se dje janë varrosur dy vëllezërit nga Deçani që vdiqën tragjikisht në Gjermani, dhe po në të njëjtën ditë u raportua edhe për tre kosovarë të vdekur në një aksident komunikacioni.
