Kryetari i Partisë Demokratike të Kosovës, Kadri Veseli ka qëndruar në Malishevë, ku edhe ka drekuar me sipërmarrësit e kësaj komune, përcjell InLajmi.
Ai ka thënë se kriza që i kapluar pas pandemisë vie si neglizhencë e dy qeverive të fundit ndaj tyre.
Kreu i PDK-së shtoi se kjo parti djathtiste do jetë aleate e ndërmarrësve dhe dera e tyre do jetë gjithmonë e hapur.
Postimi i plotë i tij:
Drekën e sotshme e kisha me sipërmarrës të ndryshëm të Malishevës për t’u interesuar për gjendjen e tyre dhe për t’u konsultuar lidhur me veprimet që duhen bërë për të riparuar dëmet e pandemisë e për të dalë nga kriza aktuale. Ata ndihen të lënë pas dore nga Qeveria dhe janë të shqetësuar nga arbitrariteti i autoriteteve shtetërore.
Partia Demokratike e Kosovës, si parti e qendrës së djathtë, është aleate e natyrshme e ndërmarrësve, prandaj është e alarmuar për neglizhencën e dy qeverive të fundit ndaj tyre. U zotova para tyre, se dera e partisë sonë do të mbetet gjithmonë e hapur për ta sepse janë motori që zhvillon ekonominë e siguron të ardhura për shumicën e familjeve të Kosovës./InLajmi/
