Ambasadori i BE-së Tomas Szunyog, u shpreh se Kosova ka perspektivë evropiane mirëpo ende duhet luftuar korrpupsioni, raporton InLajmi.
Ai ka thënë se Raporti i Progresit për Kosovën paraqet gjendjen reale në vend, ku vrehen disa përparime sa i përket legjislativit.
“Në fushën e sundimit të ligjit kemi pasur progres, shtimi i ndërmjetimit dhe përmirësim në trajtimin e lëndëve. Nëse nuk ka seancë për 3 muaj gjykimi duhet të fillojë”, ka thënë shefi i zyrës së BE-së në Kosovë.
Sipas tij, rritja ekonomike në vitin 2019 ka qenë e mirë, por që është goditur nga kriza që ka shkaktuar pandemia.
“Rritja e fuqishme ekonomike gjate 2019 ka qenë shumë inkurajuese por për shkak të covidit ka pasur rënie të madhe”, tha ai.
Në kuadër të Guest Speaker Program të Fakultetit Juridik, me temën “Rruga Evropiane e Kosovës dhe Kushtëzimi për Zgjerimin: Çfarë duhet të bëjë Kosova për t’i ndjekur reformat shpejt dhe më seriozisht, shefi i BE-së, u bëri thirrje të rinjve të qëndrojnë në Kosovë, dhe të japin kontribut këtu.
Szunyog, tha se BE-ja do të vazhdojë të përkrahë Kosovën./InLajmi/
