16 tetor 1924 – Pallati “Topkapi”, për të cilin ishte vendosur më herët që të kthehej në muze, u hap për herë të parë për publikun.
16 tetor 1946 – U ekzekutuan 10 prej gjithsej 12 drejtuesve nazistë të dënuar me vdekje në seancat gjyqësore të Nurembergut; ndërsa Hermann Goering u vetëvra menjëherë përpara ekzekutimit.
16 tetor 1964 – Kina realizoi testin e saj të parë të bombës atomike duke u bërë fuqia bërthamore e katërt në botë pas Shteteve të Bashkuara të Amerikës, Bashkimit Sovjetik dhe Anglisë.
16 tetor 1978 – Karol Wojtyla, një kardinal polak, u zgjodh papë me emrin Zhan-Pol II. Ai qëndroi në krye të Vatikanit dhe Kishës Katolike për 27 vite me radhë.
16 tetor 1995 – Mjeshtri rus, Garry Kasparov, mposhti indianin Viswanathan Anand pas një loje shahu që zgjati plot 1 muaj.
16 tetor 1996 – Plot 78 sportdashës humbën jetën duke u shkelur nga turma e madhe e njerëzve në një stadium të Guatemalës.
16 tetor 2002 – Presidenti i Shteteve të Bashkuara të Amerikës, George W. Bush, i kërkoi Kongresit autorizimin e nevojshëm për t’i shpallur luftë Irakut.
