Kryeministri i Kosovës, Avdullah Hoti, ka pritur në takim kampionin e botës në boks, Haxhi Krasniqin, meqë rast e përgëzoi për titullin, përcjell InLajmi.
“Sot, pata nderin ta pres dhe ta përgëzoj për titullin. Uroj që Haxhiu të jetë inspirim për të rinjtë që të aspirojnë, të provojnë dhe t’i prekin ëndrra”, ka shkruar Hoti në Facebook.
Kryeministri tha për Krasniqin se ai nuk u dorëzua asnjëherë dhe me shumë punë e ndjeku endrrën e tij.
“Haxhi Krasniqi nuk u dorëzua asnjëherë. Me punë të palodhshme dhe përkushtim drejt ëndrrës, ai e ka sjellë në Kosovë titullin e Kampionit të Botës në Boks”./InLajmi/
