Kryetari i AKR-së, Behgjet Pacolli, ka thënë se me askënd nuk është diskutuara mundësia e përfshirjes së këtij subjekti politik në Qeverinë aktuale.
Ai ka theksuar se e kanë votuar Ligjin për Rimëkëmbje Ekonomike ndonëse subjekt opozitarë, pasi që kanë konsideruar se ajo ishte gjëja e duhur që duhej të ndodhte, njofton Klan Kosova.
“Kemi bërë mirë që e kemi votuar ligjin. Për gjëra konstruktive mund të llogaritet në votën time. Aty ku meriton qeveria të përkrahet do ta bëjë. Nuk mund të sakrifikojë diçka për Kosovën për interesa e mia personale ose partiake”, është shprehur ai, pas pyetjes për përfshirjen e mundshme në ekzekutiv.
