Kryetarja e Kuvendit të Kosovës, ka mbajtur një fjalim sot në konferencën e organizuar nga KFOR/NATO, ku u diskutua për gratë, paqen dhe sigurinë, përcjell InLajmi.
Ajo ka thënë se miratimi i Konventës së Stambollit nga Kuvendit i Kosovës ka qenë një gjë shumë e mirë.
Osmani po ashtu ka thënë se integrimi i grave dhe vajzave në të gjitha proceset paqësore është objektiv, dhe se gratë kanë ngecje në procese të rëndësishme për vendim duke e marrë si shembull dialogun Kosovë-Serbi.
“Megjithatë është e qartë qe në disa nga proceset e rëndësishme në vend siç është dialogu Kosovë-Serbi ka ngecje në këtë drejtim”, ka thënë Osmani./InLajmi/
