Drejtori i Shtëpisë së Kulturës në Bujanoc Jetmir Ismaili, ka marrë një padi nga organet e Policise së Serbisë për përdorimin e simboleve kombëtare shqiptare dhe intonimin e himnit kombëtar.
Ismaili shpjegoi arsyen e padisë.
Ai në Info Magazine në Klan Kosova tha se u padit se nuk pranoi që ta lëshoj himnin e Serbisë.
“Edhe më tej vazhdon diskriminimi i shqiptarëve të Luginës dhe shkelja e të drejtave të tyre kombëtare nga ana e Serbisë. Rasti i fundit ka të bëj për padinë e ushtruar nga organet e policisë kundër meje si drejtor i Shtëpisë së Kulturës në Bujanoc, në lidhje me këndimin e himnit kombëtar shqiptar dhe përdorimin e simboleve kombëtare shqiptare gjatë ceremonisë së përkujtimit “Ditët e Komandant Lleshit”, dhe mosinterpretimi i himnit të Serbisë gjatë ceremonisë përkujtimore”.
“”Ditët e Komandant Lleshit” organizohen për gati 19 vite në Shtëpinë e Kulturës Për katër vjet sa jam drejtor është hera e parë që marr një padi. Kam ftesë nga Gjykata e Bujanovcit të datës 10.11.2020, dhe tash ta shohim se çka do të bëhet aty”.
“Nuk është hera e parë që ftohen drejtorët e institucioneve të kulturës dhe institucioneve të tjera. Sipas Serbisë aty ku është flamuri i Kosovës duhet të jetë edhe flamuri i Serbisë”, shkruann Klan Kosova.
“Po përderisa është një akademi përkujtimore se është akademi përkujtimore për një komandant të UÇPMB-së, i cili ka rënë për këtë vend, nuk e shoh të arsyeshme që aty të jetë edhe flamuri i Serbisë”.
“Nuk e di se çka do të ndodh, por çka do që të del le të del”.
