Ministri i Shëndetësisë, Armend Zemaj, ka thënë se është shumë e rëndësishme dhe e nevojshme që në 84 qendra të testimit të maturantëve në gjithë Kosovën të ketë respektim të rregullave dhe masave në kohë pandemie, gjatë mbajtjes së testit, përcjell InLajmi
Zemaj ka thënë se 8300 nxënës sot janë duke iu nënshtruar afatit të dytë të testit të maturës shtetërore, ku ka kërkuar të mbahet distanca dhe higjena.
Postimi i tij i plotë:
“Rreth 8300 nxënës i nështrohen sot afatit të dytë për provimin e Maturës Shtetërore 2020.
Është shumë e rëndësishme dhe e nevojshme që në 84 qendra të testimit në gjithë Kosovën të ketë respektim të rregullave dhe masave në kohë pandemie, gjatë mbajtjes së testit.Shenjëzimet dhe udhëzimet paralajmëruese për maturantët, maska dhe distanca duhet të respektohen me përpikëri.
Falënderoj drejtorët, mësimdhënësit, stafin teknik të shkollave për mobilizim dhe angazhim sipas rekomandimeve për respektimin e masave parandaluese të virusit.
Të gjithë së bashku të punojmë për të mirën e fëmijëve tanë
Maturantë, suksese!
Vendose maskën!
Mbaje higjienën!
Ruaje distancën /InLajmi/
