Hoti i bindur se Projektligji për Rimëkëmbje Ekonomike do të kalojë të hënën

Kryeministri i Republikës së Kosovës Avdullah Hoti ka thënë se Projektligji për Rimëkëmbje Ekonomike do të kalojë të hënën.

Hoti duke folur për qeverisjen e tij 100 ditëshe ka thënë se ky projektligj do të kalojë të hënën.

“Projektligji për Rimëkëmbje Ekonomike do të kalojë të hënën në seancën e jashtëzakonshme që është thirrur”, tha Kryeministri Hoti para deputetëve.

I pari i qeverisë thotë se janë të gatshëm të ulen me opozitën dhe të diskutojnë për pakon e rimëkëmbjes ekonomike dhe t’i përfshijnë të gjitha pikat e tyre në dy leximet e këtij projektligji.

“Nuk ka pasur arsye të shtyhet deri më tani ky Projektligj për shkak se disa deputetë të koalicionit kanë munguar që kanë qenë të prekur me COVID-19 apo kanë qenë në udhëtime. Besoj se të hënën do të përmbyllet kjo çështje”, u shpreh ai.

Hoti ka thënë se mjete për Kosovën janë ndarë edhe nga BE’ja në kuadër të pakos nëntë miliardhëshe si mbështetje lidhur me pandeminë, shkruan Gazeta Metro.

“Këto ia kemi sjell vendit. Marrëveshja e Washingtonit ka sjell një miliardë euro investime për pesë vjetët e ardhshme”, theskoi Hoti