Përqafimi i lopëve, ose “koe knuffelen” në gjuhën holandeze, është më shumë se një trend i ri i kënaqësisë shpirtërore dhe mendore, duke pasur përfitime të mëdha, sidomos për shëndetin mendor. Kjo praktikë nga ana e njerëzve është në një rritje të madhe globale.
Bota është krijuar nga një numër i madh metodash për mirëqenie mendore, shëndetësore dhe atë shpirtërore. Kohëve të fundit është shfaqur një metodë e vetëkujdesit që vjen nga Holanda, që po u premton praktikuesve qetësi dhe mbase edhe buzëqeshje për njerëzit që vuajnë nga depresioni.
Personat që po e praktikojnë këtë metodë kanë treguar se së pari lopët pushojnë në ferma deri në2-3 orë, ku temperatura aty është konstante dhe kushtet janë shumë të mira, shkruan BBC.
Personat treguan që temperatura e ngrohtë e lopës, rrahjet e ngadalta të zemrës dhe madhësia e lopës janë faktorët kryesor që ndikojnë në përjetimin e kënaqësisë mendore dhe atë shpirtërore, duke e bërë takimin me këto kafshë si trajtim terapeutik, përcjell EO.
Ky argëtim i shëndetshëm u shfaq në provincat rurale holandeze dhe tani është pjesë e një lëvizjeje më të gjerë holandeze për t’i sjellë njerëzit më afër natyrës dhe jetës shoqërore. Sot, fermat në Roterdam, Zvicër dhe madje edhe Shtetet e Bashkuara janë duke ofruar seanca përqafimi lopësh dhe duke promovuar terapi që shkaktojnë gëzim dhe largim të stresit.
