Që nga fillimi i vitit të ri shkollor me COVID-19 janë infektuar 41 mësimdhënës dhe 13 nxënës, në Komunën e Prishtinës e atë të Fushë Kosovës janë shënuar më së shumti raste pozitive të mësimdhënësve me koronavirus.
Këto të dhëna janë bërë të ditura nga Ministria e Arsimit dhe Shkencës, ku në një përgjigje me shkrim thuhet se numri i mësimdhënësve të testuar në 10 komuna është 872.
“Numri i mësimdhënësve të testuar sipas raporteve deri më 5 tetor në 10 komuna është 872 nga të cilët pozitiv kanë rezultuar vetëm 41. Ndërkaq, nxënës deri me tani që kanë rezultuar pozitiv janë gjithsej 13”, thuhet në përgjigje.
Shkollat nga të cilat janë raportuar mësimdhënësit e infektuar janë:
– Prishtinë – SHFMU “Faik Konica” – 526 të testuar, 12 pozitivë,
– Podujevë – 11 të testuar, 0 pozitiv
– Obiliq – 50 të testuar ndërsa 1 pozitiv në SHFMU “Migjeni”,
– Drenas – 2 pozitiv në shkollat SHFMU “Naim Frashëri” dhe SHFMU “Xheladin Gashi – Plaku”,
– Fushë Kosovë – nga 192 të testuar 13 rezultojnë pozitiv në shkollat I.P “Gëzimi Ynë” (5), SHFMU “Mihal Grameni” (5), SHFMU “Hivzi Sulejmani” (3).
– Prizren – nga 5 të testuar, 1 ka dalë pozitiv në SHFMU “Gjergj Kastrioti – Skënderbeu”,
– Suharekë – nga 38 të testuar, 3 rezultojnë pozitiv në SHFMU “7Marsi” (2) dhe SHFMU në fshatin Gelancë (1), përcjell Telegrafi.
– Istog – nga 49 të testuar, 8 kanë rezultuar pozitiv në SHFMU “Bajram Curri”.
